په افغانستان کې د پانګې اچونې آسانتياوې يوه خپلواکه افغاني موسسه ده چې موخه ئې افغانستان پانګه اچوونکو ته د خصوصي سکتور د پراختيا د خنډونو په ليرې کولو سره د پانګه اچوونې او سوداګرۍ لپاره راکښونکى او په زړه پورې کول دي.

په افغانستان کې د پانګه اچونې آسانتياوې (AICF) آسانوونکې موسسه ده او نه پلي کوونکې: دا موسسه د خصوصي سکتور او دولت د قانوني ونډو او پانګه ايزو فعاليتونو څخه چې د نورو اړوندو مراجعو لخوا پلي کيږى، ملاتړ کوي.
 
په افغانستان کې د پانګه اچونې آسانتياوې د خصوصي سکتور د پرنسيپ او تلن لارې سره سم پرمخ بيول کيږي: په افغانستان کې د پانګه اچونې آسانتياوې د ورکړو په اړه اغيزمنې پرېکړې کوي، د غوښتنو په بنسټ پرمخ ځي او په لوړه کچه په ټاکل شويو پايلو باندې تمرکز کوي.
 

يوه بې سارې افغاني موسسه

په افغانستان کې د پانګې اچونې آسانتياوې ځانګړې او خپلواکه موسسه ده ، په افغانستان کې ثبت او راجستر ده او زياتره د افغانانو په لاس د مديريت په پلاوي کې د افغان خصوصي سکتور له پياوړي استازيتوب او رهبرۍ سره پر مخ ځي.
په افغانستان کې د پانګې اچونې آسانتياوې موخه داده ترڅو يو هڅوونکى رول و لوبوي اوپه راتلونکو ٧ کلونو کې د خصوصي سکتور د پراختيا نور لومړيتوبونه پشپړ کړي چې وروسته له هغې به پاى ته ورسيږي.